Søkja ikki eftir kommunustjóra fyribils

Søkja ikki eftir kommunustjóra fyribils
Avtala er gjørd við John Færø um, at hann verður fyribils kommunustjóri í Klaksvík í nakrar mánaðir aftrat
Síðst í februar blivu Klaksvíkar kommuna og Rúni Rasmussen, sum var kommunustjóri, samd um at enda samstarvið 1. mars. 
Mynd: Bjarni Árting Rubeksen  
 
12.06.2025 - 11:45

Søkt verður ikki eftir kommunustjóra til Klaksvíkar kommunu fyribils.

Karl Johansen, borgarstjóri, sigur, at avtala er gjørd við John Færø um, at hann verður fyribils kommunustjóri í nakrar mánaðir aftrat.  

Síðst í februar blivu Klaksvíkar kommuna og Rúni Rasmussen, sum var kommunustjóri, samd um at enda samstarvið 1. mars. 

John Færø, trivnaðarstjóri, var varakommunustjóri, og hann er nú virkandi kommunustjóri.

Tonja Sonhardsdóttir, sum var varatrivnaðarstjóri, er nú virkandi trivnaðarstjóri í Klaksvík.

Karl Johansen sigur, at starvið sum kommunustjóri verður ikki broytt.

Men meirilutin í býráðnum er nýggjur, hann tók við á nýggjárinum, so hann skal hava stundir til at seta seg inn í, hvat kommunustjórastarvið inniber.

Er kopiera
Nýggjastu sendingar í ÚV
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442