Kongshjúnini: Føroyar eru eitt sterkt land og føroyingar eitt errið fólk

"Tann hjartaliga og glaða móttøkan, ið vit hava fingið, hevur rørt okkum djúpt," staðfestu kongshjúnini, tá tey høvdu verið ein túr í rennistrongi tvørtur um Múlagjógv úti á Vágseiði. 

Kongur hefti seg serliga við stóru menningina, ið hann upplivir í Føroyum. 

"Føroyar eru í einari rúkandi menning, men eg haldi eisini, at tað er áhugavert at møta føroyingum, sum eru so vinnufremjandi."

Føroyar ótrúliga bergtakandi 

Drotningin var skjót at stuðla undir rósandi orðunum hjá konginum. 

"Føroyar eru eitt sterkt land, og føroyingar eru eitt errið fólk, og skapandi fólk. Eg merki serliga tað, ið vit hava í felag, okkara felags virðir og felags søga, hóast vit eru ymisk lond."

Mary drotning var hugtikin av túrinum í rennistronginum. 

"Tað er lættari at siga ja til at fara í rennistrongin, tá mann stendur við bilin, og áðrenn mann byrjar at ganga yvir móti gjónni. Men tað er so vakurt í Føroyum. Náttúran í Føroyum er ótrúliga bergtakandi, harðrend og ógvusligt, so haruppi merkir mann veruliga, hvat tað er fyri umstøður, ið føroyingar liva undir."