ES: Iran má ongantíð fáa kjarnorkuvápn

- Iran má ongantíð fáa møguleikan at menna kjarnorkuvápn, og støðan í Miðeystri má linkast.

Tað sigur Kaja Kallas, uttanríkisstjóri í ES.

Í dag  hevði hon fund á netinum við uttanríkisráðharrarnar í ES um støðuna í Miðeystri, nú Ísrael og Iran leypa á hvørt annað.

Á tíðindafundinum eftir fundin segði Kallas, at uttanríkisráðharrarnir eru samdir um, at kríggið má ikki sleppa at herðast. 

- Vit eru samd um, at Iran ongantíð skal fáa kjarnorkuvápn, segði Kallas.

ES krevur eisini vápnahvíld í Gasa, og Kallas sigur, at ES endurskoðar samstarvsavtaluna við Ísrael.