Melkart-2 liggur við Ánirnar

Beint fyri klokkan trý legði Melkart-2 at við Ánirnar norðan fyri Klaksvík. Skipið skal nú bunkra, proviantera og annars gera klárt til fiskiskap við Føroyar.

Russiski trolarin, sum hoyrir til felagið Murman Seafood, er bannaður í norskum - og ES-øki. Millum annað vegna møguligan trygdarvanda. Fyri nøkrum døgum síðani gjørdist tað greitt, at trolarin var á veg á Klaksvík at gera seg út til at fara undir fiskiskap í føroyskum sjóøki.

Í gjárskvøldið varð danska verjuskipið Knud Rasmussen á leiðini hjá Melkart-2. Danska verjan er í dag sera fáorðað um málið. Talan er um púra vanliga yvirvøku, sigur pressuvaktin hjá donsku verjuni við Kringvarpið.

Hoyr hvussu Hansa Hansen, tíðindafólk, greiðir frá um støðuna við Ánirnar: