Óbrúktar íløgur fyri 320 milliónir verða fluttar til í ár

Stívar 320 milliónir krónur, sum vóru ætlaðar til íløgur í fjør, eru fluttar til seinni ár.

Tað vísir frágreiðingin hjá landsgrannskoðaranum um frávik millum játtan og nýtslu í fíggjarlógini fyri 2024.

Talan er um 30 kontur í fíggjarlógini.

Á trimum teirra var avlopið yvir 50 milliónir krónur.

Talan er um millum annað nýggjar landsvegir. Har er flutta avlopið 54,5 milliónir.

Útbygging á Landssjúkrahúsinum hevur góðar 53 milliónir í avlopi, og bústovnar hava 52,2 milliónir í avlopi.