Konsertin við UB40 featuring Ali Campell framskundað til klokkan 20.30

UB40 featuring Ali Campbell spælir á Vágsbø kl. 20:30 í kvøld og ikki klokkan 22, sum ætlað. 

Hetta boðaði Erik Biskupstø, fyriskipari, frá í Vikuskiftissendingini. 

Sambært Eriki, so verður roknað við, at eitt skifti seint í kvøld fer at regna illa, og ættin liggur inn á stóra pall á Vágsbø.

"Tí verður trupult at hava konsert har ta løtuna. Væntað verður, at regnið fer fram við, og at veðrið verður betri aftaná," greiddi Erik Bisupstø frá. 

LES EISIN: "Veðrið var doing! doing!, men Nik & Jay vóru boing! boing!"

Her er broytta skráin

Høvuðsbroytingin í kvøld er, at konsertin við UB40 ft. Ali Campbell á Vágsbø verður framskundað til kl. 20:30.

Hetta hevur við sær, at aðrar broytingar mugu gerast í kvøld, eitt nú verður konsertin við Lindu Andrews, ið skuldi var á Vágsbøi klokkan 21, flutt inn í Tjaldið og verður klokkan 22.30. 

Niðanfyri sæst dagførda skráin fyri Summar Festivalin fríggjakvøldið.

Fríggjadagur 8. august

19.00: Kalas (Torgið)
19.45: Systrarnar á Lakjuni (Tjaldið)
20.30: UB40 ft. Ali Campbell (Vágsbøur)
22.00: Ester Skála (Torgið)
22.30: Linda Andrews (Tjaldið)
23.15: Herborg Torkilsdóttir (Torgið)
00.00: jazzygold (Tjaldið)
01.00: Dynamit (Vágsbøur)
02.15: Grandma’s Basement (Tjaldið)
03.00: Swardi (Vágsbøur)