SEV hevur eykaaðalfund um pumpuskipanina

Nevndin í SEV mælir til at brúka 10 milliónir aftrat at kanna verkætlanina um pumpuskipan í Vestmanna

Higartil eru brúktar 60 milliónir kr. at kanna pumpuskipanina í Vestmanna, men nú er ætlanin at brúka 10 milliónir aftrat.

Sigurjón Einarsson

27.08.2025 - 13:27

Í gjárkvøldið var fundur í Løkshøll í Runavík, har limirnir í SEV, tað eru tær 29 kommunurnar í landinum, vórðu kunnaðar um pumpuverkætlanina í Vestmanna.

- Talan var um ein kunnandi fund, meðan endaliga avgerðin, har kommunurnar skulu taka støðu til, um nevndin í SEV skal sleppa at brúka 10 milliónir krónur at kanna verkætlanina av nýggjum verður á eykaaðalfundi fríggjadagin, sigur Haraldur Hammer, nevndarformaður í SEV.

Haraldur Hammer

Frítekst tagging:

Haraldur Hammer

SEV

SEV stýrið

Bjarni Árting Rubeksen

Haraldur Hammer er nevndarformaður í SEV. (Mynd: Bjarni Árting Rubeksen)

Higartil hevur SEV brúkt 60 milliónir kr. at kanna málið.

Hoyr samrøðu við Harald Hammer í útvaråstíðindunum:

27082025_Haraldur_Hammer

Fyri einum ári síðani slepti SEV ætlanini um pumpuskipanina í Vestmanna.

Mett var, at skipanin fór at kosta 1,3 milliardir krónur, men tá tilboð komu inn, var verkætlanin mett at kosta 2,2 milliardir krónur - ella eina góða milliard meira enn væntað.