Nógvir nýggir mans frá byrjan

Í mun til dystin ímóti Kroatia eru seks nýggir spælarar við frá byrjan fyri Føroyar ímóti Gibraltar í kvøld.

Samuel Chukwudi avloysir leikbannaða Odmar Færø í miðverjuni undir liðini á Gunnari Vatnhamar og Andriasi Edmundsson.

Báðir vongbakkarnir eru skiftir út. Í staðin fyri Viljorm Davidsen og Jóannes Kalsø Danielsen spæla Martin Agnarsson og Jann Benjaminsen.

Gezá Dávid Turi byrjar inni fyri fyrstu ferð, meðan Jákup B. Andreasen fer út á bonkin. Jóannes Bjartalíð er uttast til vinstu ístaðin fyri Hanus Sørensen, og Páll Klettskarð tekur plássið frá Meinhardi Olsen.

Í málinum hevur Mattias Lamhauge ikki óvæntað fingið afturval. Brandur Hendriksson Olsen er liðskipari.

Føroyska uppstillingin: Mattias Lanhauge; Martin Agnarsson, Andrias Edmundsson, Gunnar Vatnhamar, Samuel Chukwudi, Jann Benjaminsen; Jóannes Bjartalíð, Brandur H. Olsen (L), Gezá Dávid Turi, Árni Frederiksberg; Páll Klettskarð. 

Á bonkinum eru Bárður á Reynatrøð, Bjarti Vitalis Mørk, Jóannes Kalsø Danielsen, Viljormur Davidsen, Meinhard Egilsson Olsen, Jóan Símun Edmundsson, Gullbrandur Øregaard, Adrian Justinussen, Noah Hans Mneney, Hanus Sørensen, Poul Kallsberg og Jákup Biskopstø Andreasen.