Kommunur skulu kunna avmarka Airbnb

- Arbeitt verður við einum uppskoti at geva kommunum fleiri heimildir til at avmarka stutttíðarleigu og Airbnb, so fólk her á landi fáa nakað at búgva í, sigur Sirið Stenberg, landsstýriskvinna í vinnumálum.

Tað sigur hon, nú Elsa Berg, borgarstjóri í Tórshavnar kommunu vil hava fleiri heimildir frá landsstýrinum, nú tað vísir seg at høvuðsstaðurin hevur flestar Airbnb-búðeindir fyri hvørjar 1.000 íbúgvar í øllum Norðurlondum.

Uppskotið sum landsstýriskvinnan arbeiðir við er ikki liðugt enn, og tað er ikki greitt enn, hvussu endaliga uppskotið fer at síggja út, men Sirið Stenberg sær fyri sær nakrar møguleikar, hvussu eitt uppskot um stutttíðarleigu fer at síggja út.