- Tíðindi, mentan og ítróttur
SEV byggir eina battaríhøll aftrat á Sundi
SEV byggir eina battaríhøll aftrat á Sundi
Royndirnar í Suðuroynni við battarískipanini hava verið góðar, og nú verður tað sama gjørt norðanfyri við at byggja fleiri bataríhallir um landið
Nýggja høllin á Sundi verður bygd aftrat høllini við battaríi og synkronkompensator, sum var liðug í 2023.
Mynd: SEV
15.09.2025 - 13:34
Neyðugt er at gera stórar íløgur í battarískipan og synkronkompensatorar, so at vit kunnu gerast hundrað prosent grøn fleiri dagar um árið.
Tað sigur Hákun Djurhuus, stjóri í SEV.
Í dag hevur SEV skrivað undir sáttmála við byggifelagið Articon, um at byggja eina høll á Sundi, sum er 86 metrar long og góðar 14 metrar breið. Hon skal hýsa einum stórum battaríi og synkronkompensatori. Talan er um eina battaríhøll, sum kemur aftrat høllini, sum var tikin í nýtslu á Sundi í 2023.
Hákun Djurhuus.
Kostnaðurin verður meira enn 100 miliónir kr.
Royndirnar í Suðuroynni við battarískipanini hava verið góðar, og nú verður tað sama gjørt norðanfyri við at byggja fleiri bataríhallir um landið.
Hoyr innslag í útvarpstíðindunum:
15092025_Hakun_um_battariholl
Høllin á Sundi skal vera liðug umleið 1. juni næsta ár.
Er kopiera
Nýggjastu sendingar í ÚV
Nýggjastu sendingar í SV
