Nú skal skattastigin javnast

Samgongan ætlar at javna skattastigan. 

Uppskot er gjørt um tað.

Stóra framgongdin í búskapinum ger, at stigvaksandi stigini í inntøkuskattinum og avgjøld, sum eru krónur fyri hvørja eind, fylgja ikki við, tá prísirnir í samfelagnum vaksa, sigur Fíggjarmálaráðið. 

Veruligi skatturin broytist, uttan at løgtingið hevur avgjørt tað. 

Við árliga at javna avgjøld og skatt, fær politiska skipanin meira orku til at loysa aðrar týdningarmiklar avbjóðingar.

Ætlanin er hvørt ár at lýsa lønarvísital og avgjaldsvísital.

Lønar- og avgjaldsvísitøl

Lønarvísitalið er 100 fyri 2025 og verður síðani stillað við vøkstrinum í miðinntøkuni tvey ár frammanundan.

Avgjaldsvísitalið er eisini 100 fyri 2025 og veksur árliga tvey prosent, sum er málið fyri prísvøkstur hjá evropeiska miðbankanum. 

Um avgjøld hækka tvey prosent og skattastigini trý prosent, er ávirkanin átta milliónir krónur um árið, sigur Fíggjarmálaráðið.

Avgjøld hækka 10 mió. kr.

Barnafrádrátturin verður tríggjar milliónir størri.

Inntøkuskatturin minkar 15 mió. kr. um árið, harav eru tríggjar milliónir í kommunuskattinum. 

Les uppskotið, sum er sent til ummælis, her.