Galaxy: Frágreiðingin er tríggjar setningar

Mánadagin 1. september kl. 19.36 sigldi Galaxy við opnum hekkuporti eystan fyri Lítlu Dímun. Tað er ólógligt og brot á altjóða trygdarkrøv.

Í sambandi við hesi tíðindi, bað Sjóvinnustýrið Strandferðsluna um eina frágreiðing.

Hon er kom seinnapartin í gjár, og er tríggjar setningar til longdar. Í veruleikanum verður bara sagt, at hekkuportrið var afturlatið.

Niels Nielsen, rakstrarleiðari hjá Strandferðsluni skrivar soljóðandi til Niels Jørgin Nielsen á Sjóvinnustýrinum klokkan 15:14:

Hey Jákup og Eyðun

Niðanfyri er frágreiðing frá skiparinum á Galaxy.
Skipanin er eins og tann á Smyrli, har er visuel mynd á brúnni eins og tað eru aukustiskir alarmar um so skuldi veri at portri er opið.
Mannagongdin er tann, at tá portri er skalka verur boða frá til brúnna, PORTRI ER SKALKA.

Heilsan

Niels J. Nielsen
Rakstrarleiðari
Manager of operation

Frágreiðingin frá griska skiparanum á Galaxy til Strandferðsluna er líka stutt. Hon er soljóðandi:

Good evening

As Master it has not come to my attention nor has any Crew member informed me about such incident.

PRIOR unberthing Stern Ramp is closed and secured.

On the BRIDGE we have monitoring devices (visual and acoustic) to ensure that the Stern Ramp is closed prior departure and additionally it remains closed during the passage.

Best Regards

Ósvaraðir spurningar
Kringvarpið hevur spurt Sjóvinnustýrið, um tey fara at kanna málið nærri. Millum annað, um ætlanin er at fáa atgongd vil vakmyndaupptøkur og sonevnda svarta kassan á brúnni, sum tekur upp ljóð og tekniskar upplýsingar. Sjóvinnustýrið hevur enn ikki svarað hesum spurningum.

Opna hekkuportrið

Sí Dag og viku-innslagið um, at Galaxy hevði siglt við opnum hekkuportrið her niðanfyri. Prátað verður eisini beinleiðis við Sámal Petur í Grund, ið júst er farin frá sum skipari hjá Strandfaraskipum Landsins.