Formaðurin í Búskaparráðnum: Eiga ikki at stuðla skipasmíð

Sparingar skulu gerast fyri at fáa fíggjarlógina at javnviga, men stuðulin til skipasmíð heldur fram óbroyttur. Johnny í Grótinum, formaður í Búskaparráðnum, heldur tað ikki vera skilagott.

Landskassin letur hvørt ár stuðul til skipasmíð. Í ár eru 5,8 milliónir krónur játtaðar til endamálið og 5,2 milliónir næsta ár. Árini 1997 til og við 2025 eru latnar tilsamans smáar 150 milliónir krónur til endamálið.