Føroyskar og útlendskar heimasíður óvirknar

Nógvar heimasíður, bæði í Føroyum og uttanlands, hava verið óvirknar í dag.

Tað er kendi og nógv brúkti amerikanski veitarin Cloudflare, sum hevur havt trupulleikar.

Boðað var frá trupulleikum á middegi í dag, føroyska tíð, og fyri einum góðum korteri síðani skrivaði Cloudflare, at trupulleikin er loystur.

Føroyskar heimasíður, sum vóru ávirkaðar, eru m.a. portal.fo, vp.fo, in.fo og jn.fo.

Útlendskar heimasíður, sum vóru ávirkaðar, eru m.a. X.com, ChatGPT og Spotify.