Súsanna tók avgerðina í gjárkvøldið

Ein støða inni í Javnaðarflokkinum í gjárkvøldið gjørdi, at Súsanna Bertholdsen fór úr landsstýrissessinum, sum hon hevði tikið við bara fáar tímar frammanundan.

- Eg sá í gjárkvøldið, at stór sannlíkindi vóru fyri, at fosturtøkumálið fór at fella, sigur Súsanna Bertholdsen. 

Súsanna Bertholdsen tók við sum landsstýriskvinna í barna- og útbúgvingarmálum so seint sum í gjár. Frammanundan var hon landsstýriskvinna í heilsumálum.

Umskipanin av landsstýrinum, sum var sett í gildi í gjár, hevði við sær, at Djóni Nolsøe Joensen ikki skuldi halda fram sum landsstýrismaður. Hann fór tí formliga frá sum landsstýrismaður í gjár, og tók samstundis aftur sæti á løgtingi.

Súsanna Bertholdsen vil ikki svara, tá hon verður spurd, um tað er støðan hjá Djóna Nolsøe Joensen til fosturtøkumálið, ið er orsøk til hennara støðu.

- Tað mugu tit spyrja Djóna um, sigur Súsanna Bertholdsen.

Hoyr samrøðu við Súsonnu Bertholdsen:

Samrøða verður Aksel V. Johannesen, løgmann, í tíðindunum klokkan 12.20.