- Tíðindi, mentan og ítróttur
Ango ætlar at yvirtaka makrel og sild frá Vørðustíggi
Ango ætlar at yvirtaka makrel og sild frá Vørðustíggi
Vørðustíggjur, sum eigur trolaran Eysturbúgvan, fer at gevast, og onnur feløg liggja nú framvið at yvirtaka skip og kvotur
Smápartafelagið Ango rekur uppsjóvarfiskiskap og eigur uppsjóvarskipið Ango.
03.12.2025 - 11:24
Nú er eitt felag komið aftrat, sum vil yvirtaka ávísar ognir hjá smápartafelagnum Vørustíggi og trolaran Eysturbúgvan.
Tað hevur Kappingareftirlitið fingið at vita.
Vørustíggjur hevur gjørt av at gevast.
Nú ætlar Ango at yvirtaka 812 tons av makreli og 339 tons av sild.
Smápartafelagið Ango rekur uppsjóvarfiskiskap og eigur uppsjóvarskipið Ango.
Eysturbúgvin.
Varðin ætlar at yvirtaka Eysturbúgvan
Partafelagið Varðin ætlar at yvirtaka nakrar aðrar ognir hjá Vørðustíggi.
Varðin ætlar at yvirtaka Eysturbúgvan, fiskidagar til botnfiskiveiðu og gulllaksakvotu.
Yvirtøkan verður umvegis dótturfeløgini hjá Varðanum, Gulenni og Skipafelagið 1.
Gulenni yvirtekur gulllaksakvotuna, Skipafelagið 1 yvirtekur Eysturbúgvan og fiskidagarnar hjá honum, hevur Kappingareftirlitið fingið fráboðan um. Gulenni eigur uppsjóvarskipið Tummas T.
Skipafelagið 1 eigur ísfiskatrolarnar Heyk og Stelk.
Er kopiera
Nýggjastu sendingar í ÚV
Nýggjastu sendingar í SV
