- Tíðindi, mentan og ítróttur
Boð eru eftir Sommerson Band
Boð eru eftir Sommerson Band
Tað var í koronutíð, at bólkurin bleiv til. Annfinn Sommerson og Kári Olsen tóku stig til hann, og nakað seinni kom Sámal Lindenskov eisini við.
Mynd: Bjarni Árting Rubeksen
12.12.2025 - 11:37
Sommerson Band er helst einasti bólkur í Føroyum, har trummusláarin syngur allar sangirnar.
Tað ber væl til, men tað er rættiliga krevjandi, sigur Annfinn Sommerson, sum ofta er fyrilagstur sunnudag eftir drúgva spæling.
- Tá sleppi eg undan øllum húsligum skyldum, sigur hann skemtandi. - Konan góðtekur tað, leggur hann aftrat.
Myndir: Bjarni Rubeksen
Teir eru bara tríggir limir. Annfinn Sommerson: trummur og sang, Sámal Lindenskov: el-gittar og Kári Olsen: bass og kór.
Tað er ein treyt, at gittaristurin fyllir væl út í ljóðmyndini, sigur Annfinn, og tað ger Sámal.
Fyri tað nógva eru tøkuløg á skránni, tá Sommerson Band spælir, men eisini hava teir nakað av egnum tilfari.
Tann partin kundu teir hugsað sær at gjørt meira við frameftir.
Mynd: Bjarni Rubeksen
Boð eru eftir bólkinum í hesum døgum. Ofta kunnu næturnar gerast drúgvar, og tað kemur fyri, at limirnir ikki eru heima fyrr enn ímóti morgni.
Tað er stuttligt, men kann sjálvandi eisini vera strævið, viðganga teir.
Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: Sommerson Band
1782423
Er kopiera
Nýggjastu sendingar í ÚV
Nýggjastu sendingar í SV
