Breiða tunnilssemjan tódnar

Sambandsflokkurin er rættiliga ivingarsamur til tunnilssemjuna, tað er akkurát meiriluti í Fólkaflokkinum til semjuna og Miðflokkurin vil ikki stuðla tí, sum formaðurin kallar "abortsamgonguni", og vil tí ikki vera avgerandi atkvøðan fyri at fáa Suðuroyartunnilin ígjøgnum. 

- Eg vil siga sum er, at málið er ikki búgvið at taka støðu til, sigur Bárður á Steig Nielsen, formaður í Sambandsflokkinum.

Miðflokkurin tekur framvegis undir við Suðuroyartunlinum, men flokkurin tekur stuðulin aftur til Aksel V. Johannesen, nú fosturtøkulógin varð atkvødd ígjøgnum.

- Um valið stendur millum abortsamgonguna og Suðuroyartunnilin, so verja vit barnið, sigur Jenis av Rana, formaður í Miðflokkinum.

Atfinningar í samgonguni

Eisini í samgonguni eru atfinningarsamar røddir.

- Eg eri ikki samd við hasari tunnilsleiðini, sigur Liljan Weihe, løgtingskvinna fyri Tjóðveldi.

Ein annar limur í Tjóðveld, Erling Eidesgaard, er eisini sera atfinningarsamur. 

Framsókn hevur eisini verið atfinningarsamt móti Suðuroyartunlinum, og Uni Holm Johannesen, tinglimur í Javnaðarflokkinum, segði seg herfyri vera sera atfinningarsaman, og tað sama segði hann, tá ið vit prátaðu við hann í telefon í dag.