Mæla til at minka tollin á Primasnúsi

Meirilutin í fíggjarnevndini, øll uttan Fólkaflokkurin og Sambandsflokkurin, mælir til at minka tollin á Primasnúsi í uppskotinum hjá Fíggjarmálaráðnum um toll fyri tubbak og snús. 

Fíggjarmálaráðið vildi upprunaliga hava 2.000 kr. í tolli fyri kilo av Primasnúsi.

Men tað hevur síðani biðið fíggjarnevndina lækka tollin. 

Og hann skal lækka niður í 800 krónur.

Fyri at fíggja hesa lækking, verður tollur á sigarettum hækkaður fimm oyru, sigur meirilutin í fíggjarnevndini.

Taks upplýsir, at 12.000 pakkar av primasnúsi vóru innfluttir í 2024. Hvør pakki er 100 gramm.

Skal fáa gildi 2. desember

Tollhækkingarnar komu í gildi longu 30. september.

Meirilutin í fíggjarnevndini mælir til, at tær koma í gildi 2. desember.

Fólkaflokkurin og Sambandsflokkurin taka ikki undir við uppskotinum um tollhækking.

Teir siga, at hetta uppskotið fer at geva landskassanum nakrar milliónir krónur.

Men trupulleikarnir við snúsing og royking vera so at siga óbroyttir.