Fíggjarnevndin vil hava nýggja vegaætlan

Jørgeni Niclasen, landsstýrismaður, mælir til at seta av sjey milliónir krónur til verklagslógina.

Men fíggjarnevndin heldur ikki, at nóg mikið fæst burtur úr hesi loysn, og tí eigur ikki at verða farið undir arbeiðið.

Nevndin heldur, at landsstyrismaðurin eigur at leggja nýtt uppskot um verkætlan fyri tingið á ólavsøku.

Verkætlanin kostar slakar 70 milj. kr.

Jørgen Niclasen hevur skotið upp at avtaka lógina um vegaføring oman fyri Skálafjørð, men at játtaða upphæddin upp á sjey milliónir kr. ár verður nýtt til bussteðgipláss, pendlarapláss og nýggja íbinding Millum Fjarða.

Verkætlanin at gera veg oman fyri Skálafjørð varð aftur boðin út fyrr í ár, men nú vísir tað seg, at hon kostar slakar 70 mill. kr. Tá lógin varð gjørd í 2009, skuldu byggiútreiðslurnar verða í mesta lagi 43,5 milliónir kr.

Landsstýrismaðurin hevur heitt á Landsverk um at endurskoða verkætlanina um vegaføringina oman fyri Skálafjørð, so hon kann verða bíligari. Sambært langtíðaríløguætlanini hjá landsstýrinum verður eingin peningur játtaður til vegaføringina oman fyri Skálafjørð fyrr en í 2018.