Danmark og Grønland hitta Rubio mikudagin

Mikudagin hittast umboð fyri Danmark, Grønland og USA.

Tað skrivar danska TV2, sum vísir til ein álmanakka hjá amerikanska uttanríkisráðnum sum keldu.

Amerikanski miðlinum, CBS, sum áður hevur borið tíðindini við støði dulnevndum keldum, skrivar eisini, at fundur verður mikudagin.

Við á fundinum eru danski uttanríkisráðharrin, Lars Løkke Rasmussen, og grønlendska landsstýriskvinnan í uttanríkismálum, Vivian Motzfeldt, sum skulu hitta amerikanska uttanríkisráðharran, Marco Rubio, í amerikanska uttanríkisráðnum í Washington býi.

Broytingar kunnu vera í skránni.

Einki stendur skrivað um fundin á heimasíðuni hjá amerikanska uttanríkisráðnum, skrivar grønlendski miðilin, Sermitsiaq.

Tíðindastovan Ritzau hevur ikki váttað upplýsingarnar hjá danska TV2 enn, skrivar Sermitsiaq.