- Tað sjúkasta nakrantíð

 - Tú hevur óendaliga orku. Tað er ongin, sum kann steðga tær.

Soleiðis kendist tað í hvussu er hjá Ísaki Vedelsbøl í framúrskarandi stórsigrinum hjá Føroyum á Montenegro sunnudagin. 

Ungi strikuspælarin kallað upplivingina "ta sjúkastu nakrantíð", og tað eru teir túsundtals føroyingarnir, sum róptu seg hásar í Unity Arena helst samdir við honum í.

Føroyar vunnu heili 37-24, og Ísak Vedelsbøl var væl nøgdur við góða hugburður á føroyska liðnum. 

 - Tað er prógv upp á gott arbeið, haldi eg. Vit eru frammanfyri við eini átta, níggju, tá 15 minuttir eru eftir, og blíva vit at rópa í gronina á hvørjum øðrum: "Vit mugu blíva við". 

 - Vit vildu hava hendan sigurin, og nú hava vit endiliga fingið hann. Ja, vit eru svakliga glaðir, segði Ísak Vedelsbøl.