Bátar rógva út við ongum fiskiloyvi

Tað kemur meira enn so fyri, at ringt verður til Vørn og boðað frá, at bátar hava verið til útróðrar og ætla sær at avreiða, hóast einki fiskiloyvi er givið.

Bátar í bólki 5 skulu hava fiskiloyvi, reka teir vinnuligan fiskiskap og avreiða, sigur Vørn. 

Og tað er ikki nóg mikið bara at senda umsókn um fiskiloyvi og gjalda fyri loyvið.

Umsøkjarin skal vissa seg um, at loyvið er avgreitt, áðrenn farið verður til vinnuligan fiskiskap, ger Vørn vart við.