U17-heimsmeistari: Ræðuliga gott

Vár í Húsinum gjørdi Vár G. Hansen kynstrið eftir, tá hon róði seg til heimsmeistaraheitið í inniróðri í U17-aldursbólkinum.

Í greinini, sum snýr seg um at rógva so langt sum gjørligt upp á ein minutt, gjørdi ungi kollfirðingurin bart og tryggjaði sær sigurin eftir ein harðan endaspurt.

 - Eg ivaðist í, um eg var nummar eitt ella tvey. Sarita (Kristina Hansen, blaðm.) sat aftanfyri meg, og hon segði so "bíða líka, bíða líka", segði Vár í Húsinum.

 - So hyggi eg upp á skermin, og so síggi eg, at eg eri akkurát frammanfyri við einum metri. So tað var bara ræðuliga, ræðuliga gott.

Í somu grein var Sarita Kristina Hansen bert tveir metrar frá heiðursmerki í lættvektsbólkinum, meðan Jóhanna av Steinum fekk bronsuna í 45-49 aldursbólkinum.

Føroysku rógvararnir vunnu annars tilsamans trý gull, tvey silvur og trý bronsuheiðursmerki til HM-kappingina hesa ferð.