- Tíðindi, mentan og ítróttur
Trapputing av Oyrarsundi: Útisetar vilja hava eitt javnt samfelag
Javnstøða, javnrættindi og eitt stað at búgva.
Tað er nakað av tí, sum útisetar meta sum umráðandi fyri at koma heimaftur og støðast til fulnar.
Sum er fara 40 prosent av hvørjum árgangi av landinum at lesa, og bara helvtin kemur aftur.
Men hvørjar Føroyar vilja tey ungu koma aftur til? Tað svara tey upp á í seinastu sendingini av Trapputinginum, sum verður send av Oyrarsundi í kvøld.
Livebloggur á heimasíðuni
Til hvørja sending sita valevni klár at viðmerkja evni í sendingini í livebloggi her á heimasíðu Kringvarpsins.
Á Trapputinginum í Suðuroy livebloggaðu valevnini Erhard Joensen úr Sambandsflokkinum, Jóhan Stenberg úr Sjálvstýri og Dennis Holm úr Tjóðveldi.
Í sendingini av Argjahamri livebloggaðu Birgir Nielsen úr Fólkaflokkinnum, Christoffur Gert Nielsen úr Framsókn og Hans Jacob Thomsen úr Javnaðarflokkinum.
Í Klaksvík livebloggaðu Leivur Simonsen fyri Fólkaflokkin, Heri Wang Danielsen fyri Javnaðarflokkin, Beinta Løwe fyri Framsókn og Jann Johannesen fyri Miðflokkin.
Í kvøld eru tað Birgir Ferjá Heldarskarð fyri Sambandsflokkin, Jóhan M. Stenberg fyri Sjálvstýri, Hergeir Teitsson fyri Tjóðveldi og Vilhelm Hendrik í Skálanum fyri Miðflokkin, ið viðmerkja.
Trapputingið:
Oyrarsund, í kvøld, sunnukvøldið 22. mars, kl. 19.00
Áður send Trapputing:
