Løgtingsvalið: Tey ungu ivast

Fimti hvør millum 18 og 29 ár veit ikki, hvar krossurin skal setast til løgtingsvalið hósdagin.

Politikarar vilja so nógv, so tað er torført hjá ungdóminum at vita júst hvat, hvørt valevni stendur fyri.

Tað siga fleiri ung, sum vóru til pallborðskjak á Glasi fyrr í dag.

Ivi til fyrsta valið

Annika Soll er lærari í samfelagsvísindi á Glasi, og hon heldur tað vera væl skiljandi, at fleiri ung enn ivast.

Ein orsøk kann, sambært henni, vera, at hetta er fyrsta valið hjá fleiri. Men eisini eru nøkur evni serliga nógv frammi, sum gera avgerðina enn torførari. 

Krossurin er umráðandi

Búskaparligt haldføri, fosturtøkulóg og bústaðarmøguleikar eru evni, sum eru nógv frammi, og hesi fylla samstundis eisini nógv hjá fleiri ungum í dag.

Og tá krossurin skal setast, er tað tí ógvuliga  týdningarmikið, at akvøðan fer til júst tað valevnið, sum tey eru mest samd við í hesum evnunum.