Fólkatingsgáttin eftir Dag og viku

Í kvøld verður fólkatingsvalið á breddanum í Tinggáttini eftir Dag og viku. 

Tríggir høvuðstættir vera á skránni.  

1. Løgreglan og dómsvald: Spurningarnir um, hvussu vit halda skipaðum kriminaliteti burtur? Og hvørja ávirkan hava vit í Føroyum og okkara fólkatingsumboð á raðfestingarnar hjá løgregluni og dómsvaldinum?

2. Kríggj og yvirgangur: Kunnu vit í Føroyum kenna okkum trygg í einum ótryggum heimi? Og hvat kunnu ella skulu fólkatingslimirnir gera fyri okkara trygd? 

3. Danskir pengar til føroyskar verkætlanir: Skulu føroysku fólkatingsumboðini ganga biddaragongd í Danmark til frama fyri føroyskar verkætlanir? Ella er tað beinleiðis skynsamt at fáa fatur á fígging og stuðli til føroyskar verkætlanir uttan fyri Føroyar? 

Høgni í Jákupsstovu er vertur fyri Tinggáttini um fólkatingsvalið. 

Fólkatingsvalið 2022, Høllin á Hálsi

FAKTA um fólkatingsvalið

Valstøð: Tað eru 57 valstøð, tað sama sum seinast - Hestur er burtur, men Hoyvík er komið afturat

Valrætt: 38.945 hava valrætt í ár - í 2022 høvdu  38.393 valrætt

Valevni:  52 hesaferð, 60 í 2022

Hvussu nógvir flokkar:  5 flokkar stilla upp. Sjálvstýrið og Framsókn stilla ikki upp. Sjálvstýri stillaði heldur ikki upp til seinast fólkatingsval.