Tíðindafundur um samgonguskjalið í morgin

Samráðingarnar um at skipa samgongu eru lidnar, og Fólkaflokkurin, Sambandsflokkurin og Javnaðarflokkurin eru samdir um, hvussu málsøkini skulu býtast millum flokkarnar. 

Fólkaflokkurin, Sambandsflokkurin og Javnaðarflokkurin hittast seinnapartin.

Og fyrrapartin í morgin verður tíðindafundur, har samgonguskjalið verður alment.

Mánadagin verður løgtingið sett.

Elsti persónur á tingi, 73 ára gamli Jenis av Rana, setir tingfundin, sum byrjar klokkan 10.

Á hesum tingfundinum skal løgtingið formliga góðkenna úrslitið av løgtingsvalinum 26. mars og valbrøvini hjá teimum, sum eru vald á ting. Eisini velur løgtingið løgtingsformann og tríggjar næstformenn.