Beinir Johannesen er nú Føroya løgmaður

Hósdagin skrivaðu Fólkaflokkurin, Sambandsflokkurin og Javnaðarflokkur undir samgonguskjal. 

Tá var greitt, at Beinir Johannesen, formaður í Fólkaflokkinum, skuldi vera løgmaður - tann yngsti í søguni. 

Men fólkaræðið er soleiðis skrúvað saman, at tað er løgtingið, ið er evsta vald, so einki er avgjørt, fyrr enn løgtingið hevur talað. 

Beinir valdur til løgmann

Tað hevur løgtingið nú, og Beinir Johannesen bleiv valdur til løgmann við 26 atkvøðum. Sjey vóru blankar. 

Beinir Johannesen, løgmaður, gjørdi greitt í sínari røðu, at útslitið av løgtingsvalinum var ein uppgerð við blokkpolitikkin, sum hevur valda.

Tí fegnaðist hann um, at tað nú er skipað ein breið samgonga millum teir tríggjar størstu flokkarnar. 

"Í dag byrjar eitt nýtt tíðarskeið í føroyskum politikki - uttan blokkpolitikk."

Løgmaður nevndi eitt ítøkiliga málið, og tað er fáa føroyingar at velja Føroyar. 

Samstundis boðaði Beinir Johannesen, løgmaður, frá, at hann settir hesi fólkini í starv sum landsstýrisfólk:

Bárður á Steig Nielsen, uttanríkis- og fiskivinnumál, og sum varaløgmann
Aksel V. Johannesen, fíggjarmál
Jacob Vestergaard, vinnumál
Eyðdis Hartmann Niclasen, heilsu- og orkumál
Margit Stórá, almanna- og bústaðarmál
Bárður á Lakjuni, mentamál