Atlantic Airways kannar tollfría sølu

Atlantic Airways kannar tollfría sølu
Stórur missur hjá felagnum, tá Vága Floghavn fer at selja tollfríu vørurnar
 
23.12.2013 - 09:13

Atlantic Airways kannar aðrar møguleikar fyri tollfríari sølu, nú Vága Floghavn hevur avgjørt sjálv at standa fyri tollfríu søluni á flogvøllinum frá mai næsta ár, tá nýggja farstøðin skal vera liðug.

Í fráboðan til keypsskálarnar harmast flogfelagið um avgerðina hjá P/f Vága Floghavn.

Atlantic Airways hevur havt tollfríu søluna á flogvøllinum síðani í januar 2009.

Sølan er ein góð inntøka hjá felagnum, sum nú kannar aðrar møguleikar fyri tollfríari sølu.

Áðrenn farið varð at selja á flogvøllinum, bæði við fráferð og komu, seldi Atlantic Airways tollfríar vørur í flogførunum.

Nevndin í Vága Floghavn hevur, av strategiskum orsøkum, sum tey siga, tikið útboðið av tollfríu søluni aftur, hóast nøkur tilboð vóru komin.

Floghavnin fer sjálv at selja tollfríu vørurnar frá mai næsta ár.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442