Sjóvar kommuna bjóðar út nýtt bústaðarøki á Strondum

Fólkatalið í Sjóvar kommunu heldur fram at vaksa, og tí bjóðar kommunan nú út nýtt bústaðarøki “við Lághálsar” á Strondum.

Ætlanin er at byggja bæði íbúðir og sethús á økinum, sum er umleið 11.000 fermetrar stórt.

– Tørvurin er stórur á bæði grundstykkjum og íbúðum, sigur Hans Anders Jacobsen, borgarstjóri í Sjóvar kommunu.

Tey, sum bjóða upp á verkætlanina, skulu koma við uppskoti til, hvussu alt økið skal skipast. Møguleiki er fyri eigara-, luta- ella leigubústøðum.

Sambært nýggjastu tølunum frá Hagstovuni, so vaks fólkatalið í Sjóvar kommunu við 43 fólkum frá mars í fjør til mars í ár. Tað svarar til ein vøkstur upp á 3,4 prosent – sum er hægsta prosentvísa vøksturin av øllum 29 kommununum í Føroyum.

Í dag búgva 1.312 fólk í kommununi.

Hoyr innslag í útvarpstíðindunum her:

Við Lághálsar:

vid_laghalsar.png