Nýggjur fóðurflaki til Bakkafrost

Í morgun kom nýggi fóðurflakin Torvgjógv á Fuglafjørð. 

Torvgjógv er nýggjasti fóðurflakin í flotanum hjá Bakkafrosti. Hann er 40 metrar langur og tekur 700 tons av alifóðri.

Torvgjógv, sum hevur 18 fóðurlinjur, er bygdur hjá GroAqua í Póllandi. Við nýggja fóðurflakanum ber til at fóðra 18 aliringar samstundis, sigur GroAqua í tíðindaskrivi.

Eisini vitlíki

Fóðurskipan og stýringar eru mentar hjá GroAqua á Kambsdali. Við nýggja forritinum verður vitlíki nýtt til at gagnnýta fóðureygað í aliringinum mundandi betur enn áður.

Fóðurflakin verður í framtíðini rikin við landstreymi, so orkunýtslan verður so umhvørvisvinarlig sum gjørligt. 

Tá ið seinastu royndirnar eru lidnar, og góðkenningarnar frá myndugleikunum eru komnar, fer fóðurflakin í vinnu í Fuglafirði.

Seinasta árið hevur GroAqua latið Bakkafrost fýra nýggjar fóðurflakar í Føroyum.