Mangla lóggávu um vatn, sól og vind

Um tvær vikur skulu 8 milliónir smolt svimja runt í Bakkafrost Freashwater smoltstøðini í Skálavík.

Har verða 35 ársverk og vatnið til virksemið er fingið til vega, nú síðani Búnaðarstovan hevur tikið ræðisrættin frá festaranum, sum ikki vildi lata vinnuni vatn frá sínum festi, sum hann hevði ræðisrætt yvir. 

Høvuðstrupulleikin er at vit mangla lóggávu á økinum, sigur borgarstjórin í Skálavík, Linjohn Christiansen.

Hann vísur eisini á, at festijørð liggur í Vinnumálaráðnum, meðan orka liggur í Heilsu- og Orkumálaráðnum.