Kortini eru blandað av nýggjum

Tríggir kendir bátar verða við, tá fyrsti 10-mannafarsróðurin verður skotin í gongd um tvær vikur á norðoyastevnu, men tær tríggjar manningarnar eru allar onkursvegna nýggjar ella rógva í nýggjum samanhangum.

Á Klaksvíkingi er ein maður komin av Eiði og tveir av Havnarbátinum, sum vann føroyameistaraheitið í fjør, meðan suverena 8-mannafarsmanningini á Ørvi (HR) hevur sett seg í Havnarbátin, har teir ætla at verja gullið.

Triði báturin er Ormurin langi, sum var meistari, áðrenn klaksvíkingar tóku ræðið. Har er manningin væl blandað og ætlar sær at bjóða hinum av.

Sí samrøður við allar tríggjar bátsformenninar í innslagnum omanfyri.