Friðaravtala í Miðeystri nærkast

Friðaravtala í Miðeystri nærkast
Iran og fleiri lond eru nær við at góðkenna eina avtalu, sum millum annað skal lata Hormuzsundið upp aftur.
 
24.05.2026 - 10:43

Ein friðaravtala millum USA, Iran og fleiri lond í Miðeystri er næstan komin uppá pláss.

Tað skrivaði amerikanski forsetin, Donald Trump, í gjárkvøldið á sínum egna sosiala miðli. 

- Ein avtala er at kalla komin upp á pláss, treytað av, at hon endaliga verður góðkend av USA, Iran og fleiri øðrum londum, skrivar Trump.

Endaligu smálutirnir í avtaluni verða í løtuni umrøddir og verða lagdir fram innan stutta tíð, verður sagt.

Avtalan fer millum annað at hava við sær, at Hormuzsundið verður latið upp, skrivar Trump.

Eisini Amerikanski uttanríkisráðharin, Marco Rubio, sigur, at stór framstig hava verið seinastu tvey samdøgrini í sambandi við støðuna kring Hormuzsundið.

- Tað er møguligt, at heimurin fær góð tíðindi innan nakrar fáar tímar, segði Rubio á einum tíðindafundi sunnudagin, sambært BBC. 

Iranska tíðindastovan Tasnim skrivar, at kjarnorkuspurningurin eftir øllum at døma ikki er ein partur av uppskotinum um friðaravtalu.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688