Mentanarnáttin: Mumi, Spírar úr Hoydølum og Kakumiks

Stórar og spennandi framleiðslur hava verið á skránni í Kringvarpinum seinasta árið. Hesar framleiðslur vilja vit fegin vísa fram mentanarnáttina. Fríggjadagin 5. juni klokkan 15.00 lata høvuðsdyrnar í Kringvarpinum upp. Kakumiks-køkurin letur eisini upp, KVF-biografurin verður tendraður, Tórður fer túr, og spírarnir úr Hoydølum syngja.

hoydalar-cover-landscape-1600x984.jpg

Hoyr spírarnir úr Hoydølum á mentanarnáttini klokkan 16.

Á mentanarnáttini fara Hini tú veit, systkinabørnini Nomi og Thor, sum vunnu Kakumiks 2026, at baka saman við Bakistjørnunum, Mattiasi og Bjarka, sum vunnu Kakumiks 2025. Í Kringvarpshøllini fer stásiligi Kakumiks-køkurin at anga av góðum smákøkum.

Kakumiks

Mattias, Bjarki, Thor og Nomi koma øll á vitjan á mentanarnáttini.

Í Mumidalinum er pláss fyri øllum og øll kenna seg væl. Á mentanarnáttini fara vit at vísa fyrsta part av nýggju røðini um Mumi og øll hini í Mumidalinum. Nýggju Mumi-partarnir verða at síggja í heyst, men longu á mentanarnáttini verður Mumi at síggja í KVF-bio. 

Mumidalurin

"Mumidalurin” kemur á ViT-appina í heyst. 

Við Tórði á túri verður á skránni, har víst verður runt í Kringvarpinum. Eisini verður okkurt at leska sær við, myndatøka og til ber at síggja aftur um leiktjøldini. 

mentanarnáttin_2025

(Mynd: Kristina Sundstein Borgarlíð) Kringvarpið varð væl vitjað til mentanarnáttina í fjør, tá millum annað ein konsert við Jensinu var á skránni. 

Vit gleða okkum at bjóða øllum vælkomnum í Sortudíki til eina hugnaliga og upplivingarríka mentanarløtu.

Skráin

m26_skra.png