Tingfundir í 304 tímar

Løgtingið er farið í summarfrí 

Síðani á ólavsøku í fjør, tá tingárið 2025-2026 byrjaði, hevur løgtingið havt 59 fundir, 304 tímar. 

110 mál eru løgd fram umframt frágreiðing løgmans á ólavsøku.

Tríggir skrivligir fyrispurningar eru settir og 85 munnligir fyrispurningar.

20 ófráboðaðir fyrispurningar vóru. 

114 grein 52a spurningar eru settir. 

Fíggjarnevndin hevði 37 fundir, rættarnevndin 19, trivnaðarnevndin 18, uttanlandsnevndin 15, vinnunevndin 12 og mentanarnevndin hevði 12 fundir.
 
Kemur einki serligt mál, verður tingfundur ikki aftur fyrr enn á ólavsøku.

Landsstýrismálanevndin

Men landsstýrismálanevndin hevur fund seinnapartin í dag um klagumál.

Fyrr í vikuni kom fram, at Bárður á Steig Nielsen, landsstýrismaður, er kærdur til landsstýrismálanevndina, tí løgtingið ikki fekk øll skjøl í sambandi við lógaruppskotið um at broyta sjófeingislógina.

Ikki var sagt, hvør hevur kært.

Men sum skilst er ikki talan um tingfólk. 

Erhard Joensen, formaður í landsstýrismálanevndini, vil ikki siga meira nú enn, at nevndin hevur fingið eitt mál.