90 metrar av vegi skulu kannast

Nú skal óheft kanning gerast um nógv umrødda vegarstubban í Kaldbak.

Allir flokkar í býráðnum skulu orða arbeiðssetningin.

Tá kanningin er liðug, skal málið aftur til politiska støðutakan í býráðnum.

Tað var uppskotið hjá Tróndi Sigurðsson á býráðsfundinum í gjár.

12 atkvøddu fyri, ein atkvøða var blonk, og eingin atkvøddi ímóti.

Rok er um vegin, tí tann, sum hevði lægsta boð, fekk ikki arbeiðið.

Tilboðið hjá tí, sum fekk arbeiðið, var 350.000 kr. størri.

Vegarstubbin er 90 metrar.

Eitt uttanhýsis løgfrøðiligt upprit er longu gjørt um málið.