Klagan um Bárð avgreidd

Landsstýrismálanevndin ger ikki meira við klaguna, hon fekk um Bárð á Steig Nielsen, landsstýrismann.

Nevndin heldur ikki, at tað var tilætlað ella grovt ósketni at tiga um upplýsingar, tá nøkur fylgiskjøl ikki vóru latin tinginum í einum máli um sjófeingislógina.

Nevndin heldur tvørturímóti, at tingið visti um fylgiskjølini og tað, sum stendur í teimum. 

Tingið hevur ikki kunnað verið óvitandi um tað, sigur landsstýrismálanevndin.

Óli Jacobsen á Argjum klagaði um landsstýrismannin og embætisførslu hansara.