Føroya Skótaráð sjálvstøðugan limaskap í WAGGGS

Orsøkin, at føroyingar eru so væl umboðaðir í ár, er, at millum málini, sum atkvøðast skal um á aðalfundinum á ráðstevnuni hjá WAGGGS, sum er altjóða felagssapurin fyri gentuskótar, er sjálvstøðugur limaskapur til Føroya Skótaráð í hesum altjóða felagsskapinum.

- Tilgongdin hevur verið drúgv, og nógv orka er løgd í hetta, so hetta er sjálvandi nakað, ið vit eru sera spent um, sigur Elisabeth Gaard, forkvinna í Føroya Skótaráð.

Tað verður næsta mikudag ella hósdag, at atkvøtt verður um, um Føroya Skótaráð fær fullan limaskab og hetta eru tey á ferðaliðinum sjálvandi sera spent uppá.

Lurta eftir samrøðuni við Elisabeth Gaard í Summarmorgni.