Felags tilbúgvingin í Norðurlondum styrkjast

Felags tilbúgvingin í Norðurlondum skal styrkjast.

Ein nýggj, felags norðurlendsk nevnd skal setast at styrkja handfaringina av felags avbjóðingum, fremja vitanardeiling og fáa fleiri geirar við í eitt meira skipað og tvørgangandi samstarv á norðurlendskum stigi.

Tað er niðurstøðan eftir fundin hjá norðurlendsku samstarvsráðharrunum, sum varð hildin í Havn í gjár.

Norðurlendskir samstarvsráðharrar

Nýggja nevndin skal skapa ein meira samanhangandi og strategiskan karm fyri samstarvið um samfelagstrygd og tilbúgving í norðurlondum, siga samstarvsráðharrarnir í felags fráboðan.

Samstarvsráharrarnir hava givið skrivstovuni hjá Norðurlendska Ráðharraráðnum heimild at menna nýggju skránna um tilbúgving, upplýsir uttanríkismálaráðið í tíðindaskrivi seinnapartin.