Herða fyrst revsilógina viðvíkjandi rúsevnum

Í fyrsta umfari er ætlanin at herða revsilógina viðvíkjandi rúsevnum. 

Tað sigur Beinir Johannesen, løgmaður, í svari til Fíu Selmu Nielsen, løgtingskvinnu.

Hon spurdi, um landsstýrið hevur nakra ætlan um herða revsingina fyri lógarbrot móti børnum.   

Síðani er ætlanin at kanna, sigur løgmaður, um revsilógin er tíðarhóskandi fyri onnur brotsverk, serliga kynslig brotsverk.

Hyggja at grannalondunum

Ætlanin er somuleiðis at hyggja at broytingum, sum grannalondini hava gjørt eitt nú viðvíkjandi vitlíki.

Tá ásetingarnar í revsilógini um kynslig brotskverk verða endurskoðaðar, verður tað gjørt í samstarvi við viðkomandi partar.

Løgreglan er viðkomandi partur.

Samstarv verður við viðkomandi partar fyri at tryggja, at málið verður lýst so væl sum til ber, so vit fáa eina tíðarhóskandi revsilóg um millum annað vitlíki, tá talan er um kynslig brotsverk, sigur Beinir Johannesen.

Les svarið her.