Danmark vil gera nógv fyri Føroyar

Føroyar eru ikki gloymdar í samgonguskjalinum hjá donsku stjórnini.

Í skrivi til føroyanevndina hjá fólkatinginum stendur millum annað, at ongar altjóða avgerðir um Føroyar skulu takast uttan um Føroyar.

Hildið verður fram at tosa við landsstýrið um at nútíðargera ríkisfelagsskapin, millum annað um størri uttanríkispolitiskar heimildir. 

Stjórin ætlar at virka fyri, at donsku málsøkini í Føroyum, serliga dómsvaldið, vera nútíðargjørd.

Vil landsstýrið tað, er stjórnin til reiðar at tingast um lán til Suðuroyartunnilin.

Og kravið um málsligan førleika og løggilding hjá fólki í heilsuverkinum vil stjórnin eisini tingast um.

Hildið verður fram við arbeiðinum at geva Føroyum somu dupultskattaavtalur sum Danmark hevur.

Og stjórnin fer at virka fyri størri samstarvi millum Føroyar og ES. 

Haraftrat kemur sjálvstøðugur limaskapur í WTO, Norðurlandaráðnum og IOC.