Limaoyggjar á vitjan í Føroyum

Oyggjaleikasamskiparin, Solby Christiansdóttir  og hini í fyrireikingartoyminum hava úr at gera um dagarnar. Eini 60 fólk úr øllum hinum oyggjunum eru komin til landið. Í dag var vitjað vesturi í Vágum har hugt var eftir umstøðunum til bogaskjóting og strandarflogbólt og seinnapartin var farið til Klaksvíkar. Í morgin verður vitjað í Runavík og í Havn, meðan sunnudagin standa Tórsvøllur og Gundadalur fyri tørni.
Í dag er júst eitt ár til Oyggjaleikirnir byrja, sum eru frá triðja til níggjunda juli í 2027 um allar Føroyar.