Vestmanna bert umboðað í barnaróðrinum

Vestmanna hevur ongan bát við hjá teimum vaksnu í FM-kappróðrinum í ár. 

Í barnaróðrinum sær betur út, har fýra manningar eru við.

 - Vit høvdu nakrar bátar í fjør. Tað er áhugi, men tað er har, tað steðgar. Vit mangla at fáa manningarnar umborð á bátarnar, segði Bjarki Joensen, formaður í VÍF-kappróðri.

Hann heldur, at tað hevur týdning at økja um trivnaðin í felagnum, so tær barnamanningarnar, sum rógva í løtuni, fara at manna bát til FM-kappróður seinni, tí tað er spell, at Vestmanna ikki er við yvirhøvur í vaksnamannaróðrinum.

 - Tað er serstakliga óheppi. Vit hava 10-mannafar og 6-mannafar og 5-mannfør, so bátarnir eru har, segði formaðurin.