Andstøðan lutvíst ósamd við landsstýrismannin

Tjóðveldi og Framsókn eru sum heild ímóti ætlanini, meðan Sjálvstýri  og Miðflokkurin taka hinvegin undir við ætlanini hjá Bárði á Steig Nielsen.

- Eg haldi ikki hetta er rætt. Eg haldi at hetta er stuttskygdur, støðuleysur politikkur, har man bara møtir einum áhugabólki, sigur Ruth Vang, forkvinna í Framsókn.

Eirikur í Jákupsstovu, timgmaður hjá Tjóðveldi, sigur, at fyrst má bólkur 5 eftirmettast, áðrenn møguligir fleiri dagar verða útlutaðir. Hetta var løgtingssins vilji, sigur hann.

Bárður á Steig Nielsen, landsstýrismaðurin, hevur endurtikið, at hann ætlar at útluta fleiri dagar. Hann vísir á, at talan er um siðaarv og mentan, og at løgtingið samtykti í desember í fjør at flyta umleið 800 dagar frá 2024 til 2025, men at bara nakrir fáir av teimum vórðu brúktir.

Sjálvstýri og Miðflokkurin stuðla landsstýrismanninum

Sámal Petur í Grund, formaður í Sjálvstýri, og Stefan í Skorini, formaður í Miðflokkinum, taka undir við at útluta fleiri dagar.