Javnstøðunevndin fer í rættin við arbeiðsgevara

Javnstøðunevndin hevur tikið rættarlig stig móti einum føroyskum arbeiðsgevara.

Nevndin kom í januar til ta niðurstøðu, at arbeiðsgevarin hevði brotið Javnstøðulógina, tá ein kvinna ikki slapp at halda fram í starvinum, tí hon var við barn. Arbeiðsgevarin skuldi rinda henni samsýning svarandi til løn í 25 vikur, men arbeiðsgevarin noktaði at fylgja avgerðini.

Tí hevur Javnstøðunevndin heitt á ákæruvaldið um at reisa ákæru og hevur samstundis stevnt arbeiðsgevaranum.

Málið liggur framvegis hjá løgregluni, og enn er ikki avgjørt, um ákæra verður reist.

Hoyr innslag her: