Nýggjur fíggingarleistur skal finnast til eldraøkið

Nú skal ein nýggjur fíggingarleistur finnast til eldraøkið.

Fíggjarmálaráðið og Kommunufelagið hava sett ein arbeiðsbólk at kanna, hvussu eldraøkið kann fíggjast komandi árini. Tilmælini skulu vera liðug í november.

Verandi fíggingarleistur, sum nú er meira enn 10 ára gamal, klárar ikki at lyfta vaksandi útreiðslurnar til eldraøkið næstu árini.

Trupulleikin er, at eftirlønarskatturin, sum hevur fíggjað størsta partin av eldraøkinum, ikki heldur fram við at vaksa, nú tvungna eftirlønarinngjaldið er komið upp á 12 prosent.

Sambært nýggjastu ársfrágreiðingini hjá Kommunufelagnum fingu kommunurnar tilsamans 636 milliónir krónur í inntøku frá eftirlønarskatti í fjør. Afturberingin fyri DIS, FAS, Fiskimanna- og uttanlandsfrádrátt vóru 103 milliónir.

Hoyr innslag í útvarpstíðindum