Frítekst tagging:
- Tíðindi, mentan og ítróttur
Jan Sjóstein framvegis fyribilsstjóri á lønardeildini
Jan Sjóstein framvegis fyribilsstjóri á lønardeildini
Landsstýrismaðurin í fíggjarmálum ásannar, at so long fyribilssetan ger tað torført at argumentera fyri at seta ein annan, tá starvið verður lýst leyst
Jan Sjóstein hevur verið fyrbilsstjóri á lønardeildini í Fíggjarmálaráðnum seinasta árið.
Mynd: Bjarni Árting Rubeksen
28.08.2026 - 11:42
Í morgin, 29. august, er júst eit ár síðani, at Fíggjarmálaráðið kunngjørdi, at Jan Mortensen hevði sagt seg úr starvinum sum stjóri á lønardeildini, nú hann fylti 67, og Jan Sjóstein bleiv settur sum fyribilsstjóri.
Vanliga verður gjørt skjótt av at lýsa eftir nýggjum fólki, tá so týðandi størv í almennu fyrisitingini verða leys.
Men enn er ikki lýst eftir nýggjum lønarstjóra, og Jan Sjóstein er framvegis fyribilssettur í starvinum.
Aksel V. Johannesen.
Aksel V. Johannesen var løgmaður, tá Jan Sjóstein bleiv fyribilssettur, og er nú landsstýrismaður í fíggjarmálum.
Fyri einum ári síðan var tað umráðandi at fáa lønarsamráðingarnar hjá tí almenna afturum, áðrenn starvið bleiv lýst leyst.
Og lønarsamráðingarnar eru enn grundgeving fyri at bíða við starvslýsingini, tí tær drógu út, ikki minst orsakað av løgtingvalinum í vár, og eru at kalla ongan veg komnar.
Hoyr samrøðu við Aksel V. Johannesen, landsstýrismann í útvarpstíðindunum:
28082026_Lnoarstjori
Er kopiera
Nýggjastu sendingar í ÚV
