Einki uppskot um forboð fyri snildbrillum

Einki uppskot um lóg, sum setur forboð fyri snildbrillum/smartglasses, verður gjørt nú.

Men landsstýrið fylgir við, hvussu tøknin mennist, hvussu okkara grannalond handfara spurningin, og hvussu vit tryggja persónliga frælsið hjá tí einstaka. 

Tað er, um verandi lóggáva í nóg góðan mun verjir rættin til privatlív.

Tað sigur Beinir Johannesen, løgmaður, í svari til Bjørt Lind, løgtingskvinnu. 

Løgmaður sigur, at snildbrillur og onnur tól, sum kunnu taka myndir, ljóð og filmar, eru ikki ólóglig í sjálvum sær.

Bjørt Lind sigur, at seinastu tíðina eru nógv dømi um, at fólk, serliga kvinnur, eru tikin upp við snildbrillum uttan at vita av tí.

Upptøkan er síðani deild á sosialum miðlum, sigur hon.

Les alt svarið her.